Agjencia turke e ndihmës organizon darkë iftari për jetimët në Afganistan

Agjencia Shtetërore Turke e Bashkëpunimit dhe Koordinimit (TIKA) organizoi një darkë iftari për jetimët në Mazar-i Sharif, në veri të Afganistanit.

Në darkën e së hënës për muajin e shenjtë mysliman të Ramazanit morën pjesë edhe Semih Lutfu Turgut, konsulli i përgjithshëm i Turqisë në Mazar-i-Sharif dhe Koordinatori i TIKA Mazar-i-Sharif Mikail Tasdemir, së bashku me zyrtarë të tjerë lokalë, transmeton GazetaDemos.

Në darkën e iftarit morën pjesë një numër i madh jetimësh, ndërsa atyre iu bashkuan edhe 150 fëmijë nga shtëpia e fëmijës TIKA.

TIKA u dha dhurata edhe fëmijëve që morën pjesë në darkë.

Sipas Tasdemir, TIKA ofroi gjithashtu darkë të përditshme iftari për 150 fëmijë jetimë që jetojnë në një jetimore të ndërtuar nga TIKA në provincën Badakhshan.