Abdixhiku shkon në BIK: Kurban Bajrami le të jetë mësim për dashurinë ndaj Kosovës

Kryetari i LDK-së, Lumir Abdixhiku pas vizitës te myftiu Naim Tërnava, u deklarua edhe për media.

Ai tha se Kurban Bajrami të jetë mësim për solidaritet e për dashurinë ndaj atdheut.

“Sot me bashkëpunëtorë të Lidhjes Demokratike të Kosovës vizituam myftiun Tërnava, dhe nëpërmjet tij uruam festën e Kurban Bajramit, atij, bashkëpunëtorëve të tij, por mbi të gjitha të gjithë komunitetit myslimanë, besimtarëve në Republikën e Kosovës. Kjo ditë dhe festë e sakrificës l të na shërbejë si mësim për devotshmërinë ndaj Krijuesit, si mësim për solidariteti ndaj njëri-tjetrit, si mësim për dashurinë ndaj vendit dhe Republikës të Kosovës”, tha Abdixhiku.

Ai po ashtu një urim të veçantë pati për gazetarët, të cilëve u tha se në këto momente nuk janë pranë familjes, por në krye të detyrë së tyre.