Abdixhiku pritet në Obiliq nga qytetarët dhe kryetari i saj: LDK po ringjallet si kurrë më parë

Kryetari i LDK-së, Lumir Abdixhiku sonte ka vizituar komunën e Obiliqit, atje ku dhe është takuar me kryetarin e saj, Xhafer Gashin.

Ai tha se nga kjo komunë dëgjoi thirrjet e qytetarëve për ndryshimm, teksa shtoi se LDK-në po ringjallet si kurrë më parë.

“E bashkë me Xhafer Gashin, e nominuar për kandidat për deputet është edhe znj. Linda Bekteshi”, shtoi ai.

Postimi i plotë:

Shpresë! Frymë! Përbashkim qytetar rreth kauzës për ndryshimin që do ta sjellim bashkë! Faleminderit Xhafer Gashit kryetarit të Komunës dhe secilit prej jush që i dhatë flakë këtij tubimi.

Vetëm kështu mund të pëshkruhet Turneu ynë i Ndryshimit të madh! E nuk ishte ndryshe as sonte në Obiliq – brenda sallës së zjarrtë që na dha shpresë dhe vendosmëri! Pikërisht këtu, prej nga buron energjia e vendit tonë, qytetarët e Obiliqit na treguan se ata janë edhe burim energjie që i jep hov hapit tonë drejt ndyshimit!

Salla e mbushur plot, e zërat e fuqishëm që thërrisnin njëzëri për ndryshim, ishin dëshmi e qartë se forca e Lidhjes Demokratike të Kosovës po ringjallet si kurrë më parë. Bashkimi që pamë sonte është si flakadan që shpërndan dritë për të ndriçuar rrugën drejt një Kosove të zhvilluar dhe të drejtë për të gjithë.

E bashkë me Xhafer Gashin, e nominuar për kandidat për deputet është edhe znj. Linda Bekteshi.

Faleminderit Obiliq për këtë pritje të zjarrtë dhe për këtë mbështetje të jashtëzakonshme. Më 9 shkurt, bashkë me ju dhe gjithë Kosovën, do ta ndërtojmë një të ardhme të ndritshme dhe të drejtë për të gjithë!

BËHU NDRYSHIMI!