Abdixhiku me Hovenierin: Bashkërendimi i politikave tona i shërben avancimit të interesit tonë kombëtar

Kryetari i LDK-së, Lumir Abdixhiku, ka pritur në një takim ambasadorin e ShBA-së, Jeffrey Hovenier, në selinë qendrore të partisë.

Abdixhiku, në një postim në Facebook, tha se me ambasadorin amerikan kanë diskutuar “hapur” për zhvillimet e fundit politike në vend dhe se si këto zhvillime reflektojnë jo vetëm në relacionet ndërshtetërore por dhe në pozicionin ndërkombëtar të Kosovës.

“Në prag të 16 vjetorit të pavarësisë, duhet të kujtojmë se sa të rëndësishme mbesin aleancat tona në rrugëtimin euroatlantik. Bashkërendimi i politikave tona, i shërben avancimit të interesit tonë kombëtar, siç i shërben të ardhmes sonë si një shtet modern, model demokratik e zhvillimor në substancë”, ka thënë kreu i LDK-së.

Ai tha se LDK-ja mbetet e përkushtuar në këtë drejtim.

“Me bindje dhe vullnet të plotë politik”, përfundoi Abdixhiku.