Abdixhiku: Kurti ka pranuar në formë deklarative Asociacionin pa njohjen e Serbisë në marrëveshjen finale

Kryetari i Lidhjes Demokratike të Kosovës, Lumir Abdixhiku në fjalën e tij pas raportimeve të Kurtit për Ohrin ka thënë se raportimet e Kryeministrit në Kuvend të Kosovës kanë humbur peshën dhe substancën e vet, meqë bëhen pas kohe, pasi partitë politike mbesin në një terr informativ.

Aneks-marrëveshja është pranuar në formë deklarative sot në Kuvend nga ana e Kurtit pa siguruar njohjen e Serbisë në marrëveshjen finale”, ka thënë Abdixhiku.

“Për këto pozicionim ndryshues të Albin Kurtit ndjej keqardhje mbi të gjitha për humbjen e kohës së Republikës së Kosovës.”

“Kujtoj  seancën konstituive të 2017 kur isha deputet dhe pjesë e Kuvendit ishte dhe deputeti i  LVV-së Adem Mikullovci, kur i ndjeri citonte vargjet nga poezia e Shkrelit “Njerëzit” si të qëlluara edhe për sot: Sikur të takoheshim me vetveten sy me sy,  do të putheshim apo kishim për t’u pështy? E mendoni çfarë shikimi do të kishte Albin Kurti në pasqyrë? Kameleon apo luan?”ka thënë Abdixhiku.

Sipas tij Kurti ka shmang çështjen kryesore të Kosovës, njohjen e Serbisë duke  pranuar një marrëveshje që e zvarrit punën për dhjetë vjet./Demos/