Albanian
Croatian
English
French
German
Serbian
Turkish
Pas publikimit të vlerës së koeficientit për pagat, ka reaguar edhe kryetari i LDK-së, Lumir Abdixhiku, shkruan GazetaDemos.
Ai thotë se Qeveria me këtë veprim është treguar e pandjeshme, duke mos e pasur parasysh rritjen e kostos së jetesës në Kosovë.
“Koeficienti në vlerë prej vetëm 105 është goditje e radhës ndaj mjekëve, mësuesve, policëve, ushtarëve e gjithë shërbyesve publik. Është braktisje e njerëzve të vendit; që shkakton braktisjen e tyre të vendit”, ka shkruar Abdixhiku në Facebook.
Tutje, ai ka rikujtuar se LDK-ja kishte propozuar që koeficienti të kishte vlerën 125.
“LDK-ja ka propozuar koeficient në vlerë prej 125. Gjithçka më pak se aq është ulje e pagave për disa e mosrritje për të tjerët. Është injorim i inflacionit e kushteve të rënduara të jetesës. Këtë propozim do të dërgojmë menjëherë edhe si amandament në Kuvend”, ka thënë i pari i LDK-së.
Mes tjerash, ai ka potencuar se Kosova meriton më shumë se sa Qeveria Kurti.
Postimi i plotë: