Abdixhiku del në terren me Përparim Ramën: Punët do vazhdojnë, bllokuesit kanë kohë

Kryetari i Lidhjes Demokratike të Kosovës (LDK), Lumir Abdixhiku, ka thënë se punët në Prishtinë do të bëhen.

Abdixhiku vizitoi punishten kryesore të Prishtinës bashkë me kryetarin e kryeqytetit Përparim Rama.

AI ka shkruar në Facebook për shumë pengesa, poqë thotë një shtet kur perdja pushteti joligjor do bie, krimet do të mbesin.

Abdixhiku ka shkruar për “Rrugën A”, dhe thotë se do të përfundojë para fundit të shtatorit, sipas tij ky do të jetë një ndryshim i madh.

Postimi i plotë i Abdixhikut:

“Ndalohet”, thoshte shkresa, “pastrimi i pluhurit të Teatrit Dodona“. Këtë urdhër, të njëfar inspektorati – në thënçin ashtu – e kishin nisur drejt Komunës, për të ndaluar edhe një punë diku. Merreni me mend. Të ndalosh punën, në vendin më të dobët ekonomikisht në kontinent.

Kanë kohë.

Ne dhe Prishtina megjithatë s’kemi.

Le ta themi qartë, ritmi i punëve në Kryeqytet do të shtohet dhe mbikqyret secilën ditë. Projektet e mëdha infrastrukturore, pavarësisht pengesave, do të përfundohen. LDK nuk ndalet. Punëkryesit do të mbikqyren ngushtë. Prishtina nuk dorëzohet!

Sot, me Përparimin. vizituam punishtet kryesore në Prishtinë.

Rrugën A, arterien e re kryesore në Prishtinë, atë që na lidhë nga Veterniku deri në Breg të Diellit nëpërmjet Rrugës B, duhet ta përfundojmë para fundit të shtatorit. Sa shumë ndryshim j vjen Prishtinës me një arterie të tillë.

Rrugën e Arbërisë, kyçjen në rrethin e madh afër Stacionit, atë që e shkarkon qytetin masivisht, do ta përfundojmë me ritëm të ri para shtatorit.

Ishullin Urban, platformën e madhe në Arbëri, po e dinamizojmë me ekipe shtesë në mënyrë që banorët e Arbërisë të jenë 5 minuta larg sheshit.

Kohë për të humbur nuk kemi.

Punët do të bëhen. Prishtina po sheh.

Po i sheh edhe ata që provojnë të na mbulojnë me bërllog – që nxisin greva me një dorë, e votojnë kundër zgjidhjes në asamble me dorën tjetër, që mendojnë se kështu bëhet beteja politike në Kryeqytet; edhe të tjerët që në emrin e trashëgimisë mbi pluhurin e Dodonës, mbysin të tashmen e të ardhmen e Prishtinës. Të humbur janë. Këta të fundit, me siguri edhe në qelitë e ndonjë burgu – nesër kur të mbesin vet, kur perdja e një pushteti joligjor bjen; krimet megjithatë mbesin.

Le të punojmë.