A është veteran i luftës ministri Sveçla, ja çfarë thotë ai

Ministri i Punëve të Brendshme, Xhelal Sveçla, thotë se ka mbështetur luftën në Kosovë si profesionit mjekësor. Thotë se nuk është veteran për shkak se ligji aktual nuk specifikon kategoritë e dala nga lufta e UÇK’së.

Ministri përgjigjet me “Jo” kur pyetet nëse është veteran i luftës.

Por ai thotë “Po” sa i përket mbështetjes së luftës në vendin tonë.

“Unë kam qenë dhe kam mbështet luftën si profesionist mjekësor edhe në aspektin e logjistikës por edhe në aspektin politik me aq sa kam ditë”, tha Sveçla në emisionin “Sonte me Rronin” në KTV.

Por atëherë pse nuk është veteran?

“Për shkak të mu këtyre rrethanave kur për shkak të mos specifikimeve të qarta të secilës kategori, e kam vlerësuar që do të ishte jo e udhës që unë në një moment kam qenë edhe pjesë e drejtpërdrejt e luftës pastaj nuk kam qenë, të bëhem pjesë e listës së veteranëve luftëtarë”, shpjegoi ai.