A do të luftojnë ushtarët britanikë në Ukrainë? Johnson del me deklaratën e fundit

Kryeministri i Mbretërisë së Bashkuar Boris Johnson tha të martën se trupat britanike nuk do të luftojnë me ato ruse në Ukrainë, duke shtuar se përforcimet e fundit ushtarake nuk janë “asgjë më shumë se masa mbrojtëse”.

“Dua të jem i qartë në këtë pikë: ne nuk do të luftojmë forcat ruse në Ukrainë”, tha Johnson, shkruan CNN.

“Ndërsa mbështesim popullin e Ukrainës, ne duhet gjithashtu të forcojmë qëndrueshmërinë tonë të përbashkët për të mbrojtur njerëzit dhe vlerat tona. Këto nuk janë gjë tjetër veçse masa mbrojtëse, të cilat kanë qenë thelbi i NATO-s për më shumë se 70 vjet”, shtoi ai.

Duke folur së bashku me Sekretarin e Përgjithshëm të NATO-s, Jens Stoltenberg dhe kryeministrin estonez Kaja Kallas pas një vizite në bazën ushtarake Tapa të Estonisë, Johnson vuri në dukje gjithashtu se përforcimet e fundit ishin brenda kufijve të NATO-s.

“Përforcimet tona, si këto përforcime këtu në Tapa, janë fort brenda kufijve të anëtarëve të NATO-s dhe ato janë thellësisht gjëja e duhur për të bërë”, tha Johnson.