Kriza me rrymën, edhe Juniku ndal ndriçimin publik në zonat jashtë urbane

Kriza me energjinë elektrike ka kapluar vendin tonë që disa ditë, gjë që Qeveria e Kosovës ka shpallur gjendjen emergjente energjetike në të gjithë territorin e Kosovës, shkruan GazetaDemos.

Pas komunës së Podujevës, edhe komuna e Junikut ka ndal ndriçimin publik në zonat jashtë-urbane.

Kështu ka njoftuar kryetari i kësaj komune, Ruzhdi Shehu.

“Duke pasur parasysh këto rrethana, unë sot e kam nxjerrë vendimin me numer 01/03 përmes të cilit përkohësisht do të ndalet ndriçimi publik në zonat jashtë-urbane në Komunën e Junikut, ku nuk është ndriçimi i domosdoshëm. Njëkohësisht kërkoj mirëkuptimin e të gjithë qytetarëve të Junikut, që të kursejnë aq sa munden energjinë elektrike. Në situata emergjente, ne duhet të jemi bashkë dhe të punojmë për të mirën e shtetit tonë. Prandaj, të bashkuar do të kalojmë edhe këtë sfidë”, ka shkruar Shehu në Facebook.