Rubin po merret në pyetje nga gjyqtarët

James Rubin po vazhdon dëshminë e tij, duke iu përgjigjur pyetjeve të trupit gjykues.

Njëri nga gjykatësit e pyeti atë se nga e dinte që ishte krahu ushtarak i UÇK-së që merrte vendime – pasi Rubin, në ditën e parë të dëshmisë, kishte thënë, duke iu referuar Hashim Thaçit, se “unë kuptova se ai ishte më tepër figura publike e UÇK-së dhe nuk ishte ai në komandë të saj”.

Rubin tha se ky ishte perceptim i tij, këtë e kishte kuptuar vetë, jo se ia kishte thënë Thaçi se të tjerët në UÇK marrin vendime.

Rubin u përgjigj edhe për vendodhjen e Thaçit gjatë bisedave telefonike me të në periudhën e luftës.

Sipas tij, Thaçi kryesisht ishte brenda Kosovës kur komunikonin.

“Më ka thënë se ishte në Kosovë, duke u fshehur të mos vritej”, tha Rubin.