“Takimi i asaj dite ka ardhë si insitim i vrasësve…”, flet Njomza Hasani gruaja e Edmond Hasanit që u vra në Gjilan

Tre javë pas ngjarjes tragjike të vrasjes së trefishtë në qendër të Gjilanit, krimi mbetet ende i pazbuluar ndërsa qytetarët dhe familjarët e viktimave vazhdojnë të kërkojnë drejtësi.

Në këtë incident, babë e bir Selami dhe Edmond Hasani të njohur në qytet si argjendarë, humbën jetën në një kafene pranë objektit të komunës, ndërsa Abedin Hoxha që kishte mbetur i plagosur vdiq më vonë në spital si pasojë e plagëve.

Autorët e dyshuar, Mefail Shkodra dhe dy djemtë e tij, Edonis dhe Engjull, ndodhen ende në arrati dhe të njëjtit janë shpallur në kërkim nga policia menjëherë pas rastit.

Lidhur me rastin foli Njomza Hasani gruaja e Edmond Hasanit, e cila deklaroi se:

“Familja Hasani e di që në muajin prill, Bujar Hoxha ka bërë një kallëzim penal, për vrasësit, këtë rast Mefailin me djemtë e vet, për fajde për detyrim dhe kërcënim. Kaq ka qenë sa ka ditë familja Hasani rreth rastit që Bujari e ka pas me vrasësit. Takimi i asaj dite ka ardhë si insitim i vrasësve, me e taku dikë nga familja Hasani. Domëthënë ka qenë insistim i vazhdueshëm që më patjetër me e taku dikë nga familja Hasani që më e sqaru se çka ka pas problem me Bujarin. Edmondi e ka refuzu disa herë takimin me vrasësit, disa herë ju ka thënë jo sepse familja Hasani si familje nuk kanë qenë të prirur të merren me probleme nuk kanë qenë të prirur të merren me gjëra të tilla të merren me njerëz të tillë”, tha Hasani për “VOX KOSOVA”, transmeton “DEMOS”.

Deklarata e plotë: