Granit Xhaka asiston tek goli i fitores për Sunderlandin ndaj Brentfordit – VIDEO

Sunderlandi ka shënuar fitore me rezultat 2-1 në shtëpi ndaj Brentfordit në kuadër të javës së tretë në Ligën Premier.

Mysafirët realizuan në minutën e 22-të me anë të Nathan Collins për 1-0, por goli u anulua për pozicion jashtë loje.

Brentfordi ia doli të shënojë golin e avantazhit në minutën e 77-të përmes Igor Thiago i cili realizoi me kokë për 1-0.

Vetëm disa minuta më vonë, Sunderlandi ia doli të barazojë gjithçka me anë të Enzo Le Fee i cili u tregua i saktë nga penalltia për 1-1.

🚨🏴󠁧󠁢󠁥󠁮󠁧󠁿 WILSON ISIDOR WINS IT IN THE 96TH MINUTE FOR SUNDERLAND !!!!!!!!!!!!!!!!!!!!!

Sunderland 2-1 Brentford.pic.twitter.com/EPhs3Gi9J9

— Tekkers Foot (@tekkersfoot) August 30, 2025

Kur dukej se ndeshja do të përfundonte baras, Granit Xhaka si kapiten u përkujdes që ekipi i tij të marrë pikët e plota.

Në minutën e 96-të të ndeshjes, Xhaka bëri një krosim perfekt brenda zonës i cili gjeti kokën e Wilson Isidor, i cili realizoi me kokë për 2-1.

Pas tri ndeshjeve të luajtura deri më tani, Sunderlandi ka arkëtuar gjashtë pikë, teksa ka një humbje (ndaj Burnleyt 2-0).