Close Menu
    sq Albanian
    sq Albanianhr Croatianen Englishfr Frenchde Germansr Serbiantr Turkish
    Facebook Instagram YouTube
    GazetaDemosGazetaDemos
    • Lajme
    • Ndërkombëtare
    • Sport
    • Magazina
    • OP/ED
    • Stili/Jeta
    • Video
    sq Albanian
    sq Albanianhr Croatianen Englishfr Frenchde Germansr Serbiantr Turkish
    GazetaDemosGazetaDemos
    Lajme

    Viti i ri shkollor, Jasharaj: Të mos përsëritet kaosi me tekstet shkollore

    29/08/2025 14:47
    Share
    Facebook Twitter WhatsApp

    Pasi më 1 shtator fillon viti i ri shkollor, kryetari i Sindikatës së Bashkuar të Arsimit, Shkencës dhe Kulturës (SBASHK), Rrahman Jasharaj ka uruar mësimdhënësit, prindërit dhe nxënësit.

    Jasharaj përmes një njoftimi për media thotë se shpreson që të gjithë nxënësit të furnizohen me mjete shkollore e mos të ketë përsëritje të situatës si të dy viteve të kaluara.

    “E hëna e 1 shatorit do të shënojë fillimin e një beteje të re për dije. SBASHK-u ju drejtohet punëtorëve arsimor, prindërve dhe nxënësve me urimin që ky vit shkollor të fillojë mbarë dhe të stoliset vazhdimisht me arritje e suksese të shumta. Urojmë që të ndodh sa më shpejt furnizimi i nxënësve me tekste shkollore e të mos na përsëritet situata e dy viteve të kaluara shkollore kur me fajin e ministres Nagavci dhe MASHTI-t shkonte shatori pa u kompletuar të gjithë nxënësit me tekste dhe mjete mësimore”, ka thënë Jasharaj.

    Po ashtu ai tha se: “Urojmë që sa më shpejt të ketë një Qeveri të Kosovës me njerëz që e ndjejnë si nder dhe obligim të jenë anëtarë të kabinetit qeveritar e jo të ndjehen, si kjo Qeveria Kurti, se janë bërë shumë të mëdhenj dhe t’i shohin si armiq gjithë ata që guxojnë t’i kritikojnë kur punojnë keq apo nuk punojnë fare”.

    Tutje Jasharaj iu drejtua mësimdhënësve duke i lutur që të vazhdojnë misionin e tyre të shenjtë për edukimin dhe arsimimin e brezave.

    “Mësimdhënës të nderuar duke ju uruar fillim të mbarë të vitit të ri shkollor ju falënderojmë për gjithë angazhimet në vitet e shkuara dhe ju lusim që të vazhdoni me misionin tuaj të shenjtë për edukimin dhe arsimimin e brezave. Prindër të nderuar edhe juve ua urojmë fillimin e vitit të ri shkollor duke ju lutur që të jeni pranë mësimdhënësve e t’i ndihmoni në realizimin e qëllimit të përbashkët për arritje e suksese sa më të larta. Ju lusim që mos të ngriteni kundër mësuesit, për t’i hyrë në hatër pushtetit, as atëherë kur punëtorët e arsimit janë në protestë apo në grevë. Të jeni të bindur ata nuk i duan këto veprime sindikale, por i bëjnë pas pritjes së gjatë që qeveritarët të bisedojnë me SBASHK-un dhe të ofrojnë zgjidhje për kërkesat legjitime. Prindër të nderuar fëmijët tuaj nuk kalojnë as edhe një minutë me qeveritarët po kalojnë një pjesë të madhe të ditës me mësimdhënësit”.

    Jasharaj uroi edhe nxënësit: Nxënës të nderuar duke ua uruar edhe juve fillimin e vitit të ri shkollor ju ftojmë të angazhoheni sinqerisht për të fituar njohuri të reja dhe të dëgjoni këshillat e mësuesit dhe prindit. Janë këta që ua duan sinqerisht të mirën dhe luten që ju të arrini sa më shumë në jetë”.

    Artikuj të ngjashëm

    ShSKUK reagon për rastin e 10 vjeçarit që u godit nga vetura në Bresje: Po vazhdon të trajtohet në Pediatri-Neurologji

    CNN: Trump ka urdhëruar heqjen e mbrojtjes së Shërbimit Sekret për Kamala Harris

    “S’lejojmë ta tall UÇK-në”, veteranët paralajmërojnë masa nëse nuk shkarkohet Dimal Basha

    Të Fundit

    ShSKUK reagon për rastin e 10 vjeçarit që u godit nga vetura në Bresje: Po vazhdon të trajtohet në Pediatri-Neurologji

    Viti i ri shkollor, Jasharaj: Të mos përsëritet kaosi me tekstet shkollore

    CNN: Trump ka urdhëruar heqjen e mbrojtjes së Shërbimit Sekret për Kamala Harris

    “S’lejojmë ta tall UÇK-në”, veteranët paralajmërojnë masa nëse nuk shkarkohet Dimal Basha

    Kurti flet për herë të parë për dorëheqjen e Liburn Aliut: Pa humbur kohë e emërova Hysen Durmishin

    Gazeta Demos është medium i pavarur informativ, që ka për qëllim informimin e shpejtë dhe të paanshëm, portal që synon të plasojë të dhëna objektive për audiencën e gjerë, duke pasur për kryefjalë lajmin si kategori kryesore. Gazeta Demos ka për mision që të përçojë te lexuesi informatat më të reja të zhvillimeve të fundit brenda dhe jashtë vendit, me etikë profesionale dhe me qasje pasionale. Gazeta Demos funksionon edhe si medium intermedial, e cila në tregun medial po hyn, jo përmes politikave redaksionale ditore, por atyre konstante nacionale, duke e kultivuar edhe shijen e lexuesit. Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

    KONTAKT & MARKETING

    Rruga "Uran Ajeti", 68 Prishtinë
    info@gazetademos.com
    marketing@gazetademos.com
    Tel: +383 48 579 555

    • Lajme
    • Ndërkombëtare
    • Sport
    • Magazina
    • Stili/Jeta
    • OP/ED
    • Teknologji
    • Video
    Facebook Instagram YouTube
    Te gjitha te drejtat e rezervuara © GazetaDemos - 2025

    Type above and press Enter to search. Press Esc to cancel.