Albanian
Croatian
English
French
German
Serbian
Turkish
Deputetja e Partisë Demokratike të Kosovës, Vlora Çitaku, e ka akuzuar LVV-në se qëllimisht po e saboton konstituimin e Kuvendit të Kosovës.
Sipas saj, kjo parti po tallet edhe me qytetarët.
”Lëvizja Vetëvendosje me qëllim po e saboton ndërtimin e institucioneve të vendit. Po tallet paturpësisht me qytetarët e Kosovës, ata që e besuan dhe e votuan në zgjedhjet e kaluara. Me veprimet e saj, LVV synon të delegjitimojë institucionet dhe vetë demokracinë.
Kjo është sjellje e papërgjegjshme, e rrezikshme dhe pa asnjë ndjeshmëri ndaj sakrificës së madhe përmes së cilës sot e gëzojmë lirinë dhe të drejtën për të jetuar në demokraci. Është sjellje që nuk ka asnjë konsideratë për të ardhmen dhe sifidat e mëdha që i kemi përpara.”