Këta janë kandidatët për asamble komunale në Podujevë nga IQ- Unioni i Blakçorve

Iniciativa Qytetare- Unioni i Blakçorve ka publikuar listën për asamble komunale në Podujevë, shkruan DEMOS.

Nga kjo iniciativë treguan se cilat janë qëllimet e saja.

Njoftimi i plotë:

Ne, si iniciativë qytetare, marrim pjesë në zgjedhjet lokale me synimin e vetëm që të përfaqësojmë qytetarët në Kuvendin Komunal. Nuk synojmë postin e Kryetarit të Komunës, por duam të jemi zëri i qytetarëve në vendimmarrje, aty ku merren vendimet që prekin jetën e përditshme të secilit. Qëllimet tona janë: • Të forcojmë transparencën dhe llogaridhënien e institucioneve komunale; • Të mbrojmë interesin publik përtej interesave partiake; • Të nxisim pjesëmarrjen aktive të qytetarëve në punën e Kuvendit Komunal; • Të propozojmë e mbështesim projekte konkrete që zhvillojnë arsimin, shëndetësinë, kulturën, sportin dhe ekonominë lokale. Ne besojmë se ndryshimi fillon nga Kuvendi Komunal – aty ku qytetarët kanë të drejtë të dëgjohen dhe të përfaqësohen me dinjitet.