Tre policë u goditën nga motoçiklistët në Ferizaj në dy raste të ndara, dalin detajet

Në dy raste, policët në Ferizaj janë lënduar nga motoçiklistët që s’u janë bindur urdhrave për ndalim.

Të dy rastet kanë ndodhur në rrugën “Gjon Sereqi” në Ferizaj.

Në rastin e parë, siç bëhet e ditur në raportin 24 orësh, motoçiklist nuk i ka përfillur shenjat e ndalimit të zyrtarëve policorë të biçikletave dhe e ka rritur shpejtësinë e i ka goditur dy zyrtarë policorë duke u shkaktuar lëndime trupore dhe duke ikur nga vendi i ngjarjes.

Policët e lënduar janë dërguar në Emergjencën e Spitalit në Ferizaj për trajtim mjekësor. I dyshuari është identifikuar pasi në vendin e ngjarjes i kishte rënë telefoni celular dhe i dyshuari së bashku me prindin e tij janë paraqitur në stacion të policisë. Pas intervistimit, me urdhër të prokurorit kujdestar i dyshuari lirohet në procedurë të rregullt, njofton polici.

“Deri sa njësia policore e biçikletave ka tentuar të ndalojë një motoçiklistë, i njëjti nuk kishte përfillur shenjat e ndalimit të zyrtarëve policorë, por përkundrazi kishte rritur shpejtësinë dhe me këtë rast kishte goditur dy zyrtarët policorë duke u shkaktuar lëndime trupore dhe ishte larguar nga vendi i ngjarjes. Dy zyrtarët policorë të lënduar janë dërguar në Emergjencën e Spitalit në Ferizaj për tretman mjekësor. Lidhur me rastin është identifikuar i dyshuari pasi në vendin e ngjarjes i kishte rënë telefoni celular dhe i dyshuari së bashku me prindin e tij janë paraqitur në stacion të policisë. Pas intervistimit, me urdhër të prokurorit kujdestar i dyshuari lirohet në procedurë të rregullt”, bëhet e ditur në raportin 24 orësh.

Edhe rasti tjetër ka ndodhur në rrugën e njëjtë. Sipas raportit, njësia për trafik ka tentuar ta ndalojë një grup të rinjsh me motoçikleta, e gjatë përpjekjeve një motoçikletë ka goditur një polic duke e lënduar. Dy personat që ishin në motoçikletë janë arrestuar.

Pas intervistimit, në të dy rastet, të dyshuarit janë liruar në procedurë të rregullt.

“Derisa njësia e trafiku të qytetit ka tentuar që të ndalojë një grup të rinjsh me motoçikleta drejtuesi i një motoçiklete ka goditur zyrtarin policor, i cili ka pësuar lëndime trupore. Dy personat të cilët kanë qenë ne këtë motoçikletë janë arrestuar. Në lidhje me rastet është njoftuar prokurori kujdestar. Pas intervistimit, me urdhër të prokurorit kujdestar, të dyshuarit janë liruar në procedurë të rregullt”, thuhet në raport