Arrestohet i dyshuari për vrasjen me thikë të reperit në Prizren

Policia ka njoftuar se është arrestuar i dyshuari për vrasjen e reperit “Bonsaton” né Prizren, shkruan Gazeta Demos.

Njoftimi i plotë:

Vrasje në Prizren, arrestohet i dyshuari

Prizren, 11.08.2025

Më datë 10.08.2025, rreth orës 21:20, Policia e Kosovës ka pranuar informacion se një person me lëndime të rënda është dërguar në emergjencën e Spitalit Rajonal të Prizrenit.
Sipas mjekëve, viktima H.SH., mashkull 34 vjeçar, nga Prizreni ishte therur me thikë dhe ndodhej në gjendje të rëndë shëndetësore. Ai është dërguar për trajtim në QKUK – Prishtinë, ku më pas ka vdekur si pasojë e plagëve të marra.

Patrullat policore janë nisur menjëherë në drejtim të fshatit Hoqë e Qytetit ku kishte ndodhur incidenti si dhe në drejtim të fshatit Zhur në kërkim të dyshuarit. Nga informacionet e mbledhura, i dyshuari është identifikuar dhe i njëjti fillimisht është arratisë.

Njësitet policore kanë ndërmarr të gjitha veprimet hetimore për mbledhjen e provave dhe dëshmive dhe arrestimin e të dyshuarit .

Pas një angazhimi profesional I dyshuari E.B., mashkull 35 vjeçar nga fshati Zhur i Prizrenit është lokalizuar dhe është arrestuar, gjatë bastisjes është gjet edhe thika që dyshohet se është përdorur në rast.
I dyshuari me vendim të prokurorit është ndaluar për 48 orë.