Të shtëna me armë në Times Square të New Yorkut, plagosen tre persona – publikohen pamjet dramatike

Tre persona u plagosën në orët e para të mëngjesit të së shtunës, pas një të shtëne me armë zjarri në Times Square, një nga destinacionet më të frekuentuara turistike të New Yorkut.

Policia konfirmoi se incidenti ndodhi rreth orës 01:20, ndërsa një person është arrestuar dhe po merret në pyetje lidhur me ngjarjen.

Sipas “New York Times”, viktimat janë një 19-vjeçar dhe një 65-vjeçar, të cilët u qëlluan në këmbë, si dhe një 18-vjeçare që u godit në qafë. Autoritetet thanë se asnjë prej tyre nuk është në rrezik për jetën.

Ngjarja ndodh në një periudhë kur gara për kryebashkiakun e New Yorkut është në kulm, ndërsa lufta kundër kriminalitetit mbetet një nga temat më të nxehta të fushatës.

🚨 BREAKING:
Times Square shooting reports, Witnesses say multiple shots in NYC, suspect arrested. pic.twitter.com/3eubesJ0j3

— Global𝕏 (@GlobaltrekX) August 9, 2025