Popoviq pranon të dënohet me 6 muaj burgim, dënimi mund t’i zëvendësohet me 3 mijë euro gjobë

Sot është mbajtur seanca e radhës në Gjykatën Themelore në Prishtinë, ndaj të akuzuarit Igor Popoviq për “nxitje të përçarjes dhe mosdurimit”.

Siç merr vesh GazetaDemos, në këtë seancë Gjykata ka pranuar marrëveshjen e fajësisë së arritur mes dhe Prokurorisë Speciale të Republikës së Kosovë, si rrjedhojë e pranimit të fajësisë pa presion e pa frikë.

Popoviq që ofendoi UÇK-në në Rahovec, pranoi të dënohet me 6 muaj burgim ose zëvendësim me gjobë me 3 mijë euro.

 Vendimi gjyqësor pritet të shpallet sot në orën 14:00.

Prokuroria Speciale e akuzon Popoviqin se me dashje dhe qëllim ka nxitur dhe përhapur publikisht urrejtje dhe mosdurim ndërmjet grupeve etnike, gjatë një fjalimi të mbajtur në Hoçë të Madhe të Rahovecit më 18 korrik, ku ndër të tjera, e kishte cilësuar Ushtrinë Çlirimtare të Kosovës “organizatë terroriste”.