RTK-ja pa buxhet, punëtorët pa rroga: Sindikata të martën organizon protestë

Sindikata e Pavarur e RTK-së të martën do të organizojë protestë.

Kjo pasi punëtorët kanë mbetur pa paga si rezultat i mosndarjes së buxhetit.

Njoftimi:

Sindikata e Pavarur e RTK-së,

Shoqata Sindikale e Radio Kosovës

THIRRJE PËR PROTESTË

E MARTË, 05 Gusht 2025

Ora 11:00

Lokacioni: Sheshi IBRAHIM RUGOVA, para Kuvendit të Kosovës, Qeverisë së Kosovës, Presidencës së Kosovës

Sindikata e Pavarur e RTK-së dhe Shoqata Sindikale e Radio Kosovës ftojnë të gjithë punetorët e Radiotelevizionit të Kosovës që të bashkohen në protestën e përgjithshme që do të organizohet të martën me datë 5 gusht 2025, në orën 11:00, me kërkesën e vetme: Transferoni buxhetin e RTK-së të miratuar me ligj, që të marrim pagat për punën e kryer.

Deri atëherë, përserisim kërkesën tonë drejtuar Qeverisë në detyrë, që të marr veprime të menjëhershme dhe të gjejë zgjidhje për të transferuar mjetet financiare në këtë situatë të rëndë për transmetuesin publik, e rrjedhimisht për të shmangur protestat dhe veprimet e tjera sindikale të punetorëve të Radiotelevizionit të Kosovës.

Me respekt,

Kryesia e Sindikatës së Pavarur të Radiotelevizionit të Kosovës

Kryesia e ShSRK-së