Tërmeti i fuqishëm në Rusi, salla e operacionit dridhej teksa mjekët po kryenin një intervenim kirurgjik – VIDEO

Disa pamje të publikuara në mediat sociale thuhet se tregojnë momentin kur disa mjekë po kryenin një intervenim kirurgjik në një spital në Kamçatka të Rusisë.

Dhe derisa po kryhej ky intervenim, ndërtesa po dridhej nga një tërmet i fuqishëm me magnitudë 8.8.

Tërmeti, një nga më të fuqishmit e regjistruar ndonjëherë, shkaktoi cuname deri në katër metra në Kamçatka dhe alarm në pjesë të ndryshme të Paqësorit.

Dallgë u regjistruan edhe në Japoni, Alaskë dhe Havai, duke shkaktuar evakuime masive dhe bllokim trafiku.

Autoritetet japoneze thanë se centralet bërthamore funksionuan normalisht dhe nuk pati dëme të raportuara.