Zjarri në Suharekë dogji një stallë, traktor e ushqim të kafshëve

Një zjarr i përmasave të mëdha ka përfshirë një zonë fushore në Suharekë, duke shkaktuar dëme të konsiderueshme materiale.

Sipas raportit të policisë, nga zjarri janë përfshirë dhe djegur një stallë, një traktor, pajisje të ndryshme bujqësore, si dhe depoja e ushqimit dhe vetë ushqimi i kafshëve.

Në vendin e ngjarjes kanë dalë njësitë përkatëse policore dhe zjarrfikësit, të cilët kanë ndërhyrë për ta lokalizuar dhe shuar zjarrin, thuhet tutje në raportin 24-orësh policor.