Gjashtë të vdekur nga të shtënat masive në një treg ushqimor të Bangkokut

Të paktën gjashtë persona kanë vdekur nga të shtëna masive në një treg ushqimor të mbushur me njerëz në Bangkok të Tajlandës, tha policia.

Personi i armatosur qëlloi për vdekje pesë persona në tregun e njohur Or Tor Kor në kryeqytetin tajlandez, tha një zyrtar i policisë për Reuters, duke shtuar se personi i armatosur kishte vrarë edhe veten, shkruan The Independet.

Pamjet e kamerave të sigurisë nga incidenti tregonin njerëz që përpiqeshin të shpëtonin ndërsa dëgjoheshin të shtëna të shumta. Një tjetër klip u shpërnda gjerësisht që dukej se tregonte personin e armatosur duke mbajtur një pistoletë dhe duke vrapuar nëpër një parking makinash nga porta hyrëse e tregut.

Viktimat janë identifikuar si katër roje sigurie që punonin në treg dhe një grua. Dy gra të tjera u dërguan me urgjencë në spital për trajtim.