Nipi i Helmut Kohl thotë se Pavarësia e Kosovës është e pakthyeshme

Johaness Volkmann, nipi i ish-kancelarit gjerman, Helmut Kohl, nisi karrierën e tij politike në Budenstagun e Gjermanisë me Kosovën.

Kështu u shpreh vetë ai në një intervistë për “Info Magazine” në Klan Kosova.

“Sa i përket familjes sime, po është e vërtetë që gjyshi im ishte politikan. Sidoqoftë ai ka një numër të konsideruar të të afërmve dhe unë jam i vetmi që vendosa të kem një karrierë politike. Këtë e bëra për një arsye të thjeshtë, kjo është ajo që dua të bëjë, dhe po shoh përpara ta përfaqësoj zonën time zgjedhore në Bundestag. Jam fort mirënjohës që ma besuan votën e tyre në zgjedhjet e fundit që i kishim. Sa i përket mbiemrit tim, ai është nga ana e nënës, dhe ishte zgjidhje e vetëdijshme e familjes time, që të më lejojnë mua ta kem një jetë jashtë politikës, por unë e zgjodha që të merresha me politikë”.

“E kam privilegjin që jam caktuar të shërbej në Komisionin për Punë të Jashtme të Bundestagut, dhe kur vendoset për fjalime, aty janë raportues të ndryshëm, dhe grupi i më kërkoi që ta kem fjalimin udhëheqës për  CDU-CSU, lidhur me mandatin e KFOR-it (pra ushtrisë gjermane në të) dhe unë u pajtova menjëherë. Kam qenë në Kosovë, tri herë paraprakisht dhe fort shumë më ka pëlqyer të jem në këtë vend. Shto këtu faktin që isha i lumtur ta bëja një gjë të tillë, në fjalimin tim të parë”, u shpreh ai.

“Ka nevojë të ketë vëmendje të ripërtërirë jo vetëm për Kosovën, por edhe për rajonin e gjerë të Ballkanit Perëndimor, janë me qindra mijëra njerëz ,që kanë prejardhje familjare nga ai rajon dhe jetojnë në Gjermani. Ai rajon është njëri nga më të afërtit për ne, është po ashtu destinacioni kryesor për pushime për shumë gjerman. Gjeopolitikisht ky rajon është jashtëzakonisht i rëndësishëm, kjo nëse e shohim se çka po ndodh tani në Evropë, me ndikimin e  Rusisë, dhe palëve tjera të treta që tentojnë të rrisin sentimentin kundër –perëndimor. Neve na duhet aleat të fortë, dhe unë dua të shoh një të ardhme evroatlantike jo vetëm për Kosovën, por për të gjitha vendet e Ballkanit Perëndimor”.

Derisa ai po fliste për Kosovën, tha se pavarësia e saj është e pakthyeshme.

“Keni prekur një pikë shumë të rëndësishme, në mënyrë që Kosova të bëjë përparim qoftë drejt Bashkimit Evropian apo NATO-s, duhet që të ketë njohje të plotë dhe vendet bëjnë zgjidhje sovrane për të pranuar shtetet tjera, dhe çka mund të bëjnë vendet sikur Gjermania, mundësitë janë të limituara. Por ne mund ta bëjmë shumë të qartë qasjen tonë, dhe kjo është që Republika e Kosovës është një vend i pavarur, dhe pavarësia e saj është e pakthyeshme. Dhe sidomos sa i përket integritetit territorial dhe diskutimeve që ndoshta akterë revizionist mund të i shfaqin, këtu ka diçka shumë të rëndësishme për ne, Gjermania duhet ta përdor peshën e saj politike që ta bëjë të qartë se nëse ne duam të kemi një të ardhme evropiane për të gjitha vendet e perëndimit të Ballkanit, ne nuk duhet të kemi diskutime për zhvendosje të kufijve, e tjera por të sigurohemi që integrimi evropian të bëhet realitet. Kjo tregon reforma, bashkëbisedim, dialog, dhe këtë ne duhet ta bëjmë me Kosovën dhe vendet tjera të rajonit”, u shpreh Volkmann.

Derisa, ai shton se vendet anëtare të Komitetit të Ministrave tani e kanë radhën të marrin një vendim për interes të të gjithë Evropës, e që sipas tij është anëtarësimi i Kosovës në Këshillin e Evropës.

“Dua të shpresoj  shoh një shtytje të ripërsëritur për anëtarësimin e Kosovës, në Këshill të Evropës. Asambleja e KiE-së e ka thënë fjalën e saj duke vendosur me shumicë të gjerë në favor të anëtarësimit të Kosovës aty, tani është radha e vendeve anëtare në Komitetin e Ministrave, dua që ata të kenë kurajën që këtë aplikim ta vendosin në agjendë, dhe të marrin një vendim, në interes të krejt Evropës. Kjo do të ishte anëtarësimi i Kosovës në Këshill të Evropës”, u shpreh ai.

“Pyetja është se nëse ne besojmë se nëse ka dialog të vërtetë mes Prishtinës e Beogradit, apo po përdoret si pretekst, për të blerë disa pika drejt integrimit të evropianë, derisa në të njëjtën kohë në terren aktorë revizionist përkrahen në veri të Kosovës, të gjithë e kemi parë se çka ndodhi me zgjedhjet lokale dhe në të vërtetë ka arsye për shqetësim, dhe Gjermania duhet ta bëjë shumë të qartë, se normalizimi mes Kosovës dhe Serbisë, është element kyç, për integrimin evropian të krejt rajonit. Nga Konfliktet e pa zgjidhura territoriale, nuk përfiton as BE-ja e as stabiliteti i gjerë rajonal. Prandaj këtu duhet të bëjmë përparim domethënës”, tha Volkmann.