Zjarret dhe erërat e fuqishme, ndërpritet energjia elektrike në disa zona të vendit

Kompania Kosovare për Distribuim me Energji Elektrike në Kosovë, KEDS, ka bërë të ditur se  me urdhër të Policisë së Kosovës, KOSTT-i ka bërë ndërprerjen e energjisë elektrike në Nënstacionin Prizreni 1 dhe Prizreni 3, shkruan Demos.

Sipas njoftimit, për shkak të zjarreve të mëdha në rajone të ndryshme të vendit, veçanërisht në Prizren, në Mitrovicë dhe në Gjakovë janë dëmtuar asetet elektroenergjetike të KEDS-it, duke lënë një numër të caktuar të konsumatorëve pa furnizim me energji elektrike.

Gjendja po bëhet alarmante për shkak edhe të erërave të fuqishme që po fryjnë në këto dhe në disa rajone të tjera të vendit, thekson KEDS në njoftimi.

Ata kanë thënë se ekipet e tyre janë në terren për të punuar në kthimin e gjendjes në normalitet.

“Ekipet e KEDS-it janë të pranishme në terren dhe po punojnë me përkushtim për rikthimin e gjendjes në normalitet. Lusim qytetarët për kujdes të shtuar për shkak të situatës së krijuar në këto zona”, thuhet në njoftim.

Njoftimi i plotë: