Asllani mund të largohet nga Interi, por vetëm me ofertë të përshtatshme

Mesfushori i Kombëtares shqiptare, Kristjan Asllani, pritet të largohet nga Interi gjatë merkatos së verës, por largimi i tij nuk do të ndodhë me çdo ofertë. Deri tani, Asllani është përmendur shpesh si një nga lojtarët që nuk ka lëvizur në këtë periudhë transferimesh, ndërkohë që vetë mesfushori ka treguar se nuk dëshiron të largohet nga Italia.

Sipas burimeve zyrtare, ai ka refuzuar ofertën e Real Betis, por e vërteta qëndron në faktin se klubi italian ka refuzuar propozimin e spanjollëve, i cili ishte nën 10 milionë euro.

Interi synon të mos e shesë mesfushorin shqiptar pa një ofertë që arrin në 20 milionë euro, ose alternativisht 15 milionë euro plus një përqindje të kartonit të lojtarit, njofton EuronewsAlbania.

Klubi milanez duket i vendosur të ruajë Asllanin, përveçse në rast të një propozimi të pranueshëm financiarisht, që përputhet me vlerën që i kanë dhënë futbollistit.

Interi ka shpenzuar rreth 16 milionë euro, për blerjen e kartonit të Asllanit nga Empoli. Pikërisht tre vite më parë u arrit marrëveshja mes palëve