Kujdestaria e vajzës, Arbenita sfidon publikisht Feron me një mesazh në Instagram

Modelja e njohur Arbenita Ismajli ka trazuar rrjetin me një postim të drejtpërdrejtë e provokues, që shumëkush e ka interpretuar si një thikë drejt ish-partnerit të saj, reperit Fero.

Në një fotografi të publikuar në Instagram, ku shihet në aeroportin ndërkombëtar të Shkupit bashkë me vajzën e saj Ninën, Arbenita ka shkruar: “Na kap nëse mundesh” – një fjali e cila ka ndezur rrjetet sociale dhe është komentuar si mesazh i qartë dhe sfidues për Feron.

Ky veprim i Arbenitës vjen në një periudhë të tensionuar mes ish-çiftit, të cilët janë përfshirë në një proces gjyqësor, pas pretendimeve të modeles se është kërcënuar nga Fero. Akuza që ajo i ka bërë publike disa muaj më parë, kanë trazuar publikun dhe ndjekësit e tyre.

Postimi është parë nga shumë si një lojë nervash, një sinjal se Arbenita nuk do të ndalet dhe nuk ka frikë ta përballë publikisht situatën me reperin.

Derisa ajo zgjodhi të flasë përmes rrjeteve sociale, mbetet për t’u parë nëse Fero do të reagojë pas këtij provokimi të hapur.