Shpëtimi i një të lënduarit në Kanionin e Mirushës, ShKShMK jep detaje të rastit

Shërbimi i Kërkim-Shpëtimit Malor i Kosovës ka njoftuar se me datën 20.07.2025 në numrin kujdestar kanë pranuar një thirrje urgjente për një aksident që kishte ndodhur në Kanionin e Mirushës.

“Një qytetare e Republikës së Kosovës e cila ishte duke zhvilluar një aktivitet sportiv kishte lënduar këmbën dhe si pasojë nuk ka mund të zbres deri në pikënisjen e shtegut.

Skuadrat e Shpëtuesve të ShKShMK të përbërë nga disa stacione si Pejë, Deçan, Mitrovicë dhe Prishtinë me të marrë lajmin pa humbur kohë janë nisur në vendngjarje.

Personit të lënduar i është ofruar ndihma e parë dhe pas imobilizimit është ekzekutuar evakuimi teknik deri në pikën e evakuimit me autoambulancë.

Personit të lënduar i urojmë shërim të shpejtë, kurse i përgëzojmë shpëtuesit malor për reagimin e shpejtë dhe profesional.”, theksohet në njoftim.