Usyk deklarohet pas fitores: 38-vjeçar, jam djalë i ri – e falënderoj Zotin e të gjithë

Një natë për historinë e boksit u zhvillua në Wembley të Londrës, ku përballë 90 mijë tifozëve të zjarrtë, Oleksandr Usyk konfirmoi epërsinë absolute në botën e peshave të rënda, duke fituar ndaj Daniel Dubois.

Pas meçit Usyk tha se mosha 38-vjeçe është më e mira dhe vetëm fillimi.

Ai po ashtu tregoi edhe planet për të ardhmen, por sigurisht që njëherë vijnë pushimet.

“38-vjeçar, është një djalë i ri. Mbajeni në mend të gjithë. 38-vjeçar, është vetëm fillimi!. E falënderoj Zotin. Ekipin, ju Wembley – të gjithëve, faleminderit”.

“Dua të pushoj. Dua të kthehem në shtëpi te shtëpia ime, te gruaja ime, te fëmijët e mi. Tre muaj dua të pushojë. Ndoshta e dua Tyson Furyn. Por kemi Dereck Chisora dhe Anthony Joshuan. Ndoshta edhe Joseph Parker. Nuk mund të them tani, sepse dua të kthehem në shtëpi”, u shpreh Usyk pas luftës.

Kujtojmë që kjo ishte hera e dytë që Usyk fiton ndaj Dubois. Të parën e kishte arritur në vitin 2023.