Herolind Kozhani rikandidon për asambleist në Kuvendin Komunal në Lipjan, Buja: Do të sjell ndyshime pozitive

Kandiditati i Partisë Demokratike të Kosovës për kryetar të Lipjanit, Shukri Buja ka njoftuar se Herolind Kozhani, do të rikandidojë si asambleist në Kuvendin Komunal të Lipjanit.

Buja teksa ia njohu kontributet e vazhdueshme, tha se Kozhani sjell energji të reja, ide të qarta dhe guxim për të përfaqësuar qytetarët me dinjite.

“Herolind Kozhani: i ri, profesionist, me eksperiencë!

Herolind Kozhani përfaqëson brezin e ri të politikës lokale, që vjen me eksperiencë konkrete në shërbim të qytetarëve dhe me profesionalizëm të dëshmuar në fushën e shëndetësisë.

10 vite si infermier në shërbimin e urgjencës në Lipjan aty ku vendoset jeta e njeriut përpara çdo gjëje tjetër. Fakultetin e Mjekësisë Fizioterapi, me përgatitje akademike dhe etikë profesionale.

Si asambleist në Kuvendin Komunal të Lipjanit, ka dëshmuar se të qenurit i ri nuk është pengesë, por përparësi ai sjell energji të reja, ide të qarta dhe guxim për të përfaqësuar qytetarët me dinjitet.

PDK mbetet forca që e ka dëshmuar në çdo kohë lidhjen e ngushtë me komunitetin, me njerëzit, me hallet si dhe nevojat e tyre. Kandidatë si Herolindi janë dëshmi e kësaj lidhjeje të ndershme, që buron nga terreni dhe i kthehet qytetarëve në shërbim konkret.

Sot, rikandidon për të vazhduar angazhimin politik, me qëllim të qartë: të sjellë ndryshimin që Lipjani ka nevojë, përmes zërave të rinj dhe profesionistëve të vërtetë”, ka shkruar ai.