Ekskluzive: Pamje të rënda: Momenti kur arrestohet i riu në Lipjan, i cili pak kohë më pas vdiq

GazetaDemos ka siguruar pamje ekskluzive nga momenti i arrestimit të 27-vjeçarit, Agon Zejnullahu, mbrëmë në qytetin e Lipjanit, i cili pak kohë pas arrestimit edhe vdiq.

Në këto pamje, tashmë i ndjeri shihet se gjatë momentin kur zyrtarët policorë iu kishin afruar për ta arrestuar, po rënkonte.

Këto rënikime u bën më të zëshme atëherë kur njërit nga katër policët që e kishin shtrirë në tokë, i rrëshqet këmba, teksa dyshohet se nga kjo rrëshqitje, e godet në kokë.

PAMJE EKZKLUZIVE:

Momenti i arrestimi

GazetaDemos vazhdimisht ka provuar të kontaktoj me Policinë e Kosovës, por të njëjtit kanë qenë të paqasshëm për detajet zyrtare rreth kësaj ngjarje.

Për vdekjen e të njëjtit ka reaguar edhe kryetari i komunës, Imri Ahmeti, i cili në një telegram i shprehu ngushëllime familjes Zejnullahu për humbjen e tyre.

“E nderuar familje Zejnullahu, Me pikëllim të thellë morëm lajmin për humbjen e parakohshme të më të dashurit tuaj Agon Zejnullahut, Kjo ngjarje e rëndë ka prekur thellë jo vetëm familjen tuaj, por edhe gjithë qytetarët e Komunës së Lipjanit. Në këto momente të dhimbshme, shpreh ngushëllimet më të sinqerta për familjen Zejnullahu, të afërmit, miqtë dhe të gjithë ata që patën fatin ta njohin Agonin”, thuhet në telegram.