Edhe sot temperatura të larta, maksimalja deri në 36°C

Sot parashikohet mot kryesisht me diell dhe shumë i nxehtë. Rrezik nga dehidrimi dhe goditja e nxehtësisë nëse qëndroni jashtë për periudha të gjata kohore.

Era do të fryjë nga perëndimi dhe jugperëndimi, e cila herë pas here pritet të jetë mjaft e fuqishme, me shpejtësi nga 20-65 km/h, transmeton MeteoKosova.

Temperaturat minimale do të lëvizin prej 16 deri në 19°C, ndërsa ato maksimale prej 33 deri në 36°C.