Lladrovci: S’ka bir nëne që më heq nga PDK-ja

I pari i Drenasit, Ramiz Lladrovci ka komentuar kandidaturën e tij për kryetar të kësaj komune në zgjedhjet lokale të 12 tetorit.

Në garën për kryetar të kësaj komune ka hyrë dhe Petrit Hajdari i PDK-së, derisa Lladrovci deklaroi se askush nuk mundet ta largojë atë nga kjo parti, pasi sipas tij, ai ka punuar shumë dhe e ka bërë krenare Partinë Demokratike të Kosovës, pas një ngacmimi të gazetarit Lirim Mehmetaj kur u pyet rreth afrimitetit me presidenten, Vjosa Osmani.

“Unë jam Partia Demokratike, kush që më heq prej Partisë Demokratike s’ka bir nëne. Kam punuar për Partinë Demokratike, e kam bërë krenare Partinë Demokratike”, ka thënë ai në “Debat Plus” .