Banorët jashtë, kaplohet nga zjarri edhe ndërtesa afër vatrës së parë

GazetaDemos nga vendi i ngjarjes në lagjen Emshir në Prishtinë merr vesh se është kapluar nga zjarri edhe një ndërtesë tjetër, afër ndërtesës ku vatra e zjarrit ka filluar që nga ora 20:00.

Banorët e tyre kanë dalë jashtë ndërtesave.

Ekipet e zjarrfikësve janë duke intervenuar në lokalizimin total të zjarrit akoma, teksa Policia ka bllokuar disa rrugë.

Çka dihet deri më tani?:

Është duke vazhduar “lufta” me flakët e përhapura në një ndërtesë në Emshir të Prishtinës. Vatra e zjarrit e cila ka nisur që në orën 20:00 ende nuk është lokalizuar totalisht, raporton GazetaDemos.

Ekipet e zjarrfiksëve e ato policore janë në vendin e ngjarjes ku dhe po merren me rastin.

Deri më tani përveç dëmeve materiale nuk raportohet për persona të lënduar.

Motivet që çuan në përhapjen e madhe të zjarrit ende nuk janë të qarta.

Zjarrfikësit po kryejnë intervenime me autobot në disa zona, teksa Policia i ka mbyllur disa rrugë përreth e jo vetëm për të mundësuar qarkullim më të lirshëm të tyre.

Rastin e ka konfirmuar edhe Policia, ku zëdhënësja e Policisë së Kosovës për Rajonin e Prishtinës, Flora Ahmeti rastin e cilësoi “incident zjarri”.

“Sot rreth orës 20:00, kemi pranuar informatën për një incident zjarri në një ndërtesë në lagjen Emshir në Prishtinë. Menjëherë në vendin e ngjarjes kanë dalë policia dhe zjarrfikësit, të cilët po merren me rastin. Bazuar në të dhënat e deritanishme, nuk raportohet për persona të lënduar”, ka deklaruar Ahmeti.