Punime skandaloze ne Podujevë, shirit për biçikleta me shtylla elektrike në mes

Ani pse dukuria për parkimin e automjeteve në trotuare është në rënie, këmbësorët në Podujevë po hasin në vështirësi gjatë ecjes. Në Podujevë, trotuaret janë ‘destinuar’ për vendosjen e shtyllave elektrike.

Hapësirat e dedikuara për këmbësorë janë zënë nga shtyllat elektrike në Podujevë.

Komuna e drejtuar nga kryetari Shpejtim Bulliqi ka gjetur vështirësi në vendosjen e tyre. “Më së lehti” duket se e ka pasur t’i vendosë ato në mes të trotuareve.

Shumë trotuare në Podujevë janë të bllokuara nga shtyllat elektrike.

Paparaci ka siguruar disa pamje nga lexuesit e saj ku shihen shtyllat elektrike të vendosura në mes të kalimit për këmbësorë.

Përpos në trotuare, shtyllat elektrike janë vendosur edhe në vendkalimet e destinuara për biçikleta.

Bulliq i Vetëvendosjes është kritikuar për mënyrën e qeverisjes në këto komunë.

Derisa zgjedhjet lokale janë afër, Lëvizja Vetëvendosje akoma nuk e ka konfirmuar kandidaturën e Bulliqit për Podujevë.