“Edhe babai im i vrarë në luftë ka punuar në termocentral” – Punëtori i KEK-ut emocionon me rrëfimin e tij, falënderon Labinot Tahirin për ndihmën

Një video e një punëtori të KEK-ut, ku ai shihet duke punuar në termocentral me përkushtim të madh, është bërë virale në rrjetet sociale.

Pas kësaj, ai ka dhënë një intervistë për GazetaDemos, ku ka ndarë me publikun emocionet dhe përvojën e tij personale.

Ai, shprehu mirënjohjen që është pjesë e Korporatës Energjetike të Kosovës, duke theksuar se kjo punë për të ka edhe një rëndësi të veçantë shpirtërore.

“Edhe babai im i vrarë në luftë ka punuar në termocentral. Unë falënderoj Zotin që jam pjesë e KEK-ut. Gëzohem kur punon blloku dhe i jep energji Kosovës”, tha ai me emocion.

Ai gjithashtu falënderoi këngëtarin dhe humanistin Labinot Tahiri, i cili pas publikimit të videos i dhuroi atij 1000 euro si shenjë respekti për punën dhe përkushtimin.

“E falënderoj shumë Labinot Tahirin. Më ka emocionuar tej mase. Nuk e kam pritur një gjest të tillë”, shtoi ai.