Izraeli tha se e vrau, por Irani thotë se këshilltari i lartë i Ali Khameneit është gjallë

Ali Shamkhani, këshilltar i lartë politik i Udhëheqësit Suprem të Iranit, Ajatollah Ali Khamenei, dhe ish-zyrtar i lartë i sigurisë, është në gjendje të qëndrueshme pasi u plagos rëndë në një sulm izraelit më 13 qershor.

Kështu, siç shkruajnë mediat botërore, kanë raportuar të premten mediat iraniane.

Siç kujtojnë mediat botërore, spekulimet rreth gjendjes së Shamkhanit morën fund kur ai personalisht konfirmoi shërimin e tij në një mesazh drejtuar Udhëheqësit Suprem, sipas Press TV.

Shamkhani u shtrua në spital dhe u trajtua për lëndime kërcënuese për jetën si rezultat i “agresionit terrorist izraelit”, sipas shumë mediave iraniane.

Armiqësitë shpërthyen të premten e kaluar kur Izraeli nisi sulme ajrore në disa vende në të gjithë Iranin, duke përfshirë objekte ushtarake dhe bërthamore, duke bërë që Teherani të niste sulme hakmarrëse.

Sipas autoriteteve izraelite, sulmet me raketa iraniane kanë vrarë të paktën 25 persona dhe kanë plagosur qindra të tjerë që atëherë.

Ndërkohë, media iraniane raporton se sulmi izraelit vrau 639 persona dhe plagosi mbi 1,300 të tjerë.