SHBA’të nuk kanë nevojë për një luftë tjetër të pafundme, thotë ligjvënësi republikan

Përfaqësuesi republikan Tim Burchett ka bërë thirrje për përmbajtje ndërsa tensionet përshkallëzohen midis Izraelit dhe Iranit, duke paralajmëruar kundër përfshirjes më të thellë të SHBA-së në konflikt.

“Nuk kemi nevojë për një luftë tjetër të pafundme në Lindjen e Mesme”, i tha republikani nga Tenesi CNN. “Burrat e moshuar marrin vendime dhe të rinjtë vdesin, dhe kjo është historia e luftës”.

Burchett tha se dëshiron të shohë “shumë pak” përfshirje të SHBA-së.

“Ne i japim Izraelit rreth 4 miliardë dollarë në vit dhe asete të tjera ushtarake; mendoj se duhet t’i lejojmë ata të luftojnë këtë gjë», tha ai. «Ne duhet të bëjmë atë që është e drejtë dhe jo atë që thonë portofolat tanë të aksioneve”.

Ndërsa disa republikanë — përfshirë senatorin e Karolinës së Jugut Lindsey Graham — argumentojnë se aftësitë bërthamore të Iranit përbëjnë një kërcënim për Shtetet e Bashkuara dhe se vetëm ushtria amerikane mund të shkatërrojë impiantin e pasurimit bërthamor të Iranit në Fordow, Burchett nuk është dakord.

“Jam mjaft i bindur se Irani ka aftësitë për luftë bërthamore, por nuk mund të na arrijë”, tha ai.

“Ata nuk mund ta kalojnë Greqinë me raketat e tyre, mendoj se nëse do t’i kishin, do t’i kishin lëshuar tashmë ato”.

“Mendoj se duhet të marrim frymë thellë, ta ngadalësojmë këtë gjë dhe t’i lëmë izraelitët të bëjnë punën e tyre”, shtoi ai.

Nuk kemi nevojë për një luftë në tre fronte gjatë jetës sonë”.