Imazhet e fundit satelitore: Këto janë dëmet që Izraeli ia shkaktoi Iranit në bazën raketore dhe në aeroport

BBC, si dhe media të tjera ndërkombëtare nuk mund të raportojnë nga brenda Iranit, prandaj imazhet satelitore janë një mjet kyç për të parë dhe verifikuar çfarë po ndodh në vend ndërsa sulmet e Izraelit vazhdojnë.

Fotot më të fundit na kanë ardhur nga kompania specialiste për imazhe satelitore Maxar. Ato duket se tregojnë dëmtime të gjera në bazën raketore të Tabrizit, ku të paktën nëntë ndërtesa dhe dy hyrje tunele janë shkatërruar. Disa të tjera janë dëmtuar rëndë.

Imazhet e Maxar kanë kapur gjithashtu dëshmi potenciale të sulmeve ndaj aeroportit të Mashhadit, rreth 750 km në lindje të Teheranit. Mund të shihet se një avion i madh është shkatërruar, me vetëm bishtin që i ka mbetur i paprekur.

Një imazh tjetër tregon atë që Maxar e përshkruan si dronë Shahed të magazinuar në karroca dhe avionë luftarakë në bazën e forcave ajrore në Dezful, në perëndim të Iranit.