Ushtria izraelite: 100 kamionë me ndihma kanë hyrë në Gaza

Ushtria izraelite ka thënë se 100 kamionë që transportonin miell, ushqim për fëmijë dhe pajisje mjekësore kanë udhëtuar nga vendkalimi Kerem Shalom drejt Gazës.

Sipas mediave të huaja, kjo lëvizje vjen pasi dy tregtarë i thanë Reuters se të paktën 15 kamionë me ndihma kishin hyrë në territor.

Transferimi i ndihmave në Gaza është bërë një temë gjithnjë e më e diskutueshme gjatë dy ditëve të fundit, pasi bashkësia ndërkombëtare ka frikë se territori është në prag të urisë, shkruan A2 CNN.

OKB-ja tha më parë se nuk është shpërndarë asnjë ndihmë në Gaza që kur kryeministri izraelit Benjamin Netanyahu tha se bllokada 11-javore në territor ishte hequr.

Kujtojmë se më herët u tha gjithashtu se Emiratet e Bashkuara Arabe dhe Izraeli kishin arritur një marrëveshje për rritjen e nivelit të ndihmave në Gaza