Albanian
Croatian
English
French
German
Serbian
Turkish
Pas bllokadës së krijuar në Kuvend, Presidentja Osmani u ka dërguar ftesë për takim subjekteve politike.
Takimi pritet të zhvillohet me datën 15 maj.
Në lidhje me këtë takim dhe se çfarë pritet të sjellë ai, ka folur ish-ambasadori i Kosovës në RMV, Gjergj Dedaj.
Dedaj tha se kty takim s’pritet të sjellë asgjë dhe se Osmani nuk ja ka dal të ruaj mandatin dhe rolin kushtetues unifikues dhe autoritativ.
Ai tha se një takim i tillë është humbje kohe dhe ‘propagandë puro politike’.
“Takimi i Vjosa Osmanit nuk do sjellë asnjë risi as dinamizim të ndërtimit të institucioneve të Kosovës,të mbetura peng nga deputeti Albin Kurti dhe LVV.Vjosa Osmani në planin e brendëshem politik nuk ka legjitimitet dhe as influenceë partiake dhe as politike,ajo nuk ia doli të ruaj mandatin dhe rolin kushtetues unifikues dhe autoritativ.Osmani më shumë është marrur me shetitjet kudo nëpër botë, për të ndërtuar dhe forcuar portretin dhe profilin personal politik, në arenen ndërkombëtare,me qëllim të balancimit tê personalitetit dhe të legjitimitetit të lëkundur dhe të brishtë në politiken e brendëshme. Takimi i liderve politik me Vjosa Osmanin është një humbje kohe,testim nervash dhe propoagandë puro politike për nihilistin dhe ekstremistin e majtë Albin Kurtin dhe lëvizjen e tij politike neostalinste!
Ai tha se Osmani mban përgjegjësinë kryesore për dëmtimin e LDK-së dhe sjelljen e Kurtit në pushtet në vitin 2021.
“Ajo njëkohësisht bartë përgjegjësinë kryesore për dëmtimin e LDK dhe sjelljen e Albin Kurtit në pushtet në vitin 2021, edhe përmes mbështetjes së disa zyrtarëve dhe deputetëve të Listes Serbe”
Dedaj tha se Kurti si ka numrat për Kuvendin dhe as për Qeverinë dhe se të njëjtit i konvenon të shtyhet në pakufi krijimi i institucioneve.
“Deputeti Albin Kurti nuk i ka numrat as për Kuvend dhe as për Qeveri dhe atij i konvenon të shtyhet në pakufi krijimi i institucioneve, me qëllim të ushtrimit të kundërligjshëm të pozitës së uzurpuar dhe të aseteve të kryeministrit dhe të qeverise në njëren anë,kurse në anën tjeter si mjeshter profesional i mashtrimit t’a akuzoj ish opoziten për dështimin e krijimit të institucioneve dhe kështu vendin t’a dërgoje në zgjedhje sa me vonë të jetë e mundur” tha Dedaj në një intervistë dhënë për “Gazeta Blic”.