Ky është i dyshuari që iu ngrit aktakuza për ngacmim seksual të nxënëses në Gjakovë

Prokuroria Themelore në Gjakovë ka ngritur aktakuzë ndaj një personi për veprën penale “Ngacmimi seksual”.

“Sipas aktakuzës, ndër tjera ceket se i pandehuri me inicialet D.Ll., me datë 26.03.2025, në Gjakovë, saktësisht në Shkollën e Mesme të Ulët “M.K.”, e ngacmon seksualisht personin tjetër, e cila është viktimë e ndjeshme për shkak të moshës, duke u përfshirë në sjellje të padëshiruar verbale të natyrës seksuale ndaj të dëmtuarës/e mitur”.

“Veprime këto me të cilat të dëmtuarës/e mitur, i ka cenuar dinjitetin dhe i ka krijuar mjedis objektivisht frikësues, degradues dhe poshtërues”, thuhet në njoftimin e prokurorisë

Më tej, thuhet se Prokurori i çështjes me rastin e ngritjes së aktakuzës, i ka propozuar gjykatës që të pandehurin ta shpallë fjator dhe të dënohet sipas ligjit për veprën penale, e cila i vihet në barrë