Sekretari amerikan i Thesarit: Do të shpërblehen vendet që nuk na u kundërpërgjigjën me tarifa

Sekretari amerikan i Thesarit, ka sqaruar para mediave vendimin e fundit të presidentit të SHBA-së.

Scott Bessent i drejtoi një mesazh “çdo vendi në botë” që dëshiron të negociojë – “jemi të gatshëm t’ju dëgjojmë”.

“Do të ulim tarifat bazë në 10 për qind për ata”, shtoi ai.

“Dhe për Kinën do të ngrihen në 125 për shkak të këmbënguljes së tyre për të përshkallëzuar situatën”, deklaroi zyrtari amerikan.

Kjo kthesë e papritur e Trumpit vjen më pak se 24 orë pasi hynë në fuqi tarifa të reja të larta për importet nga dhjetëra partnerë tregtarë.

Ndryshe, presidenti amerikan kishte përfshirë në tarifa edhe Kosovën, gjegjësisht e kishte ‘dënuar’ me 10 për qind.