SHSKUK e heq nga masa e pezullimit kontrastin nga Kina: I sigurt për përdorim

Shërbimi Spitalor dhe Klinik Universitar i Kosovës (SHSKUK) e ka hequr nga masa e pezullimit produktin medicinal IOHEXOL 350 mg/ml (kontrast jo-jonik) nga Kina, i cili përdoret për qëllime diagnostike në imazheri, pasi tha se është konfirmuar si i sigurt për përdorim.

Masa e pezullimit ishte ndërmarrë pasi kontrasti kishte shkaktuar reaksione pacientëve.

“Vendimi është marrë bazuar në rezultatet përfundimtare të analizave laboratorike të kryera nga një Laborator për Kontroll dhe Cilësi jashtë vendit, si dhe në raportin e dërguar nga Departamenti i Farmakovigjilencës në Agjencinë Kosovare për Produkte dhe Pajisje Medicinale (AKPPM)”, tha SHSKUK.

Inspektoriati Farmaceutik ka konstatuar se produkti plotëson standardet e sigurisë dhe cilësisë për përdorim mjekësor.

“SSSKUK, siguron qytetarët se mbrojtja e shëndetit të pacientëve mbetet prioritet i vazhdueshëm, andaj ka ndjekur të gjitha procedurat e verifikimit, deri në konfirmimin përfundimtar