Aksidenti në Qyshk të Pejës, nga Prokuroria japin detaje për rastin

Një aksident trafiku ka ndodhur sot në fshatin Qyshk të Pejës, ku një këmbësore është goditur nga një automjet.

Lidhur me rastin është ndaluar personi u dyshuar, konfirmoi Shkodran Nikçi, zëdhënës në Prokurorinë Themelore të Pejës.

“Prokurori i shtetit bashkë me Inspektoratin Policor ka dalë në vend të ngjarjes. Lidhur me këtë rast janë duke u ndërmarrë të gjitha veprimet e nevojshme hetimore. Personi i dyshuar me urdhër të Prokurorit të shtetit është ndaluar për 48 orë për veprën penale Rrezikimi i Trafikut Publik”, tha ai.

Po ashtu, është raportuar nga disa media se e aksidentuara ka vdekur, por ky lajm është demantuar për Demos nga zëdhënësi i prokurorisë në Pejë Shkodran Nikqi.

“Po ashtu sipas disa raportimeve në media se viktima ka vdekur nuk është e vërtetë ne kemi pranuar informata që e njejta ka gjendjën kritike dhe pritet ti nënshtorohet një intervenimi”, tha Nikçi për Demos.