Gykimi ndaj Sllagjan Trajkoviq për krime lufte, Gani Hasani përfundon dëshminë

Dëshmitari Gani Hasani ka përfunduar dëshminë në procesin gjyqësor ndaj Sllogjan Trajkoviqit i cili po akuzohet për krime lufte ndaj popullatës civile, shkruan GazetaDemos. 

Ai tha se Sllagjani e ka rrahur djalin e tij dhe se ai ka qenë asht e lëkurë prej ”burgu”. 

Dëshmia e Hasanit:

Ganiu: Djali më ka thanë, Sllagjani më ka marrë ma ka dhanë një grusht, dhe më ka thanë hec prej këtuhit, tani djaliu u shku edhe ma se ka pa Sllagjanin. Djali u kanë asht e lëkurë prej asaj burg a çka mi thanë.

Avokati i Sllagjanit: Si u bëre dëshmitar?

Ganiu: Po më kanë thirrë prej djalit se ata e kanë vetë me konë je kanë, ai i ka thanë me babën e axhallarë e tjerë. Tani organizatat a qysh po i thonë.

Sllagjan Trajkoviq pyet dëshmitarin.

Trajkoviq: Për ngjarjen tek varrezat, ju kam ndihmuar juve dhe dy vëllezërve tuaj, a është e vërtetë?

Dëshmitari Ganiu: Po

Sllagjani: Keni thënë se djali pasi ka dalur nga burgu, se unë njëherë e kam goditur dhe kurrë më se kam pa, a është e vërtetë?

Dëshmitari Gani: Po, ashtu.

Sllagjani: Nëse duart i keni pasur duar prapa, si i keni mbajtur duart dhe letërnjoftimin?

Ganiu: Në mes të gishtave.

Sllagjani: A e dini se djali i juaj ka thanë se djali i Sllagjanit i riu i vogëli më ka goditur?

Ganiu: Jo, këtë nuk e di.

Sllagjani: A e keni parë apo dëgjuar se ju kam ndihmuar edhe vëllezërve dhe njerëzve dhe shqiptarëve të tjerë?

Ganiu: Unë se kam parë se Sllagjani as mua dhe askujt që i ka mëshuar, ka kaluar një kohë e gjatë e kam harruar por askujt si ka thanë po të ndihmojë, por në një mënyrë na ka ndihmuar.

Sllagjani: S’kam ma pyetje.

Gjyqtari: A të ka treguar djali se kush dhe ku ja kanë shkaktuar ato mavijosje?

Ganiu: Në Smrekovnicë, policia por kush saktë se di.

Gjyqtari: A mund të na tregoni se cila ka qenë ndjenja e juaj, atë ditë parakalimi mes policëve në qytet në Vushtrri, në fshat e kur ju kanë grumbulluar?

Ganiu: Kemi pas shqetësim, frikë, kemi qenë pranë vdekjes, kemi pa një njësit me ngjyra të kuqe e bardha, me mitroleza dhe kemi pritur momentin me na ekzekutuar. Por më e rënda për mua ka qenë marrja e djalit, fjaltë e njerëzve se i kanë pushkatuar, jo i kanë çuar në shkritore. Më ka krijuar ankth, jam me tension e me sëmundje.