Përfundon numërimi i votave në Junik e Malishevë: Fiton koalicioni AAK-NISMA

Komisioni Qendror i Zgjedhjeve ka përmbyllur numërimin e votave në kuadër të zgjedhjeve parlamentare për Komunën e Junikut dhe Malishevës.

Koalicioni AAK-NISMA renditet e para me 37.27% të votave, e dyta LDK me 28.96% të votave, e treta VV me 24.03% të votave, shkruan Reporteri.net.

E katërta në Junik është PDK me 8.08%, kurse Koalicioni për Familje e pesta me 0.69% të votave.

Edhe në komunën e Malishevës ka fituar koalicioni AAK-NISMA.

Në këtë komunë janë numëruar 100% e votave, ku AAK-NISMA kanë fituar me 37.75%, e dyta renditet VV me 26.30% të votave, PDK e treta me 21.15% të votave.

rocesin e numërimit të votave dhe problemet teknike me platformën elektronike për publikimin e rezultateve preliminare.

Radoniqi ka bërë të ditur se, pavarësisht përgatitjeve të bëra nga KQZ, sistemi nuk ka funksionuar siç ishte paraparë, duke pamundësuar transmetimin elektronik të rezultateve paraprake.

“Pas shumë përgatitjeve dhe testimeve që kemi bërë, gjithçka ishte gati që sot të transmetojmë rezultatet preliminare për subjektet politike ashtu siç kemi bërë edhe në të kaluarën. Por, për arsye se aplikacioni për përpunimin dhe prezantimin e të dhënave nuk ka funksionuar, ne nuk po arrijmë që t’i transmetojmë këto të dhëna përmes platformës elektronike,” ka deklaruar Radoniqi.

Ai tha se votat janë të sigurta.

“Dua t’ju sigurojë që votat janë të sigurta, integriteti i votës është i sigurt.

Si rezultat, KQZ ka vendosur të mbledhë të dhënat manualisht nga të gjitha vendvotimet përmes formularëve të rezultateve, të cilat tashmë janë plotësuar pas numërimit të fletëvotimeve.

“Sigurojmë qytetarët e Kosovës se mostransmetimi i të dhënave apo rezultateve preliminare për subjektet politike përmes platformës elektronike nuk ka asnjë ndikim në rezultatet përfundimtare. Pasi t’i grumbullojmë në mënyrë manuale, do t’i publikojmë,” ka theksuar ai.

KQZ u ka kërkuar ndjesë qytetarëve për vonesën dhe ka siguruar se procesi i numërimit dhe publikimit të rezultateve po vazhdon me transparencë të plotë.

VV rreth 10% vota më pak, Kurti shpallë fitoren: Do ta formojmë Qeverinë e re

09 Shkurt 2025 | 23:19

Kryetari i VV;së, njëherit kandidat për kryeministër nga kjo parti, Albin Kurti, ka shpallur fitoren në zgjedhjet e mbajtura sot. Sipas rezultateve preliminare, VV ka rënie për rreth 10 përqind krahasuar me zgjedhjet e vitit 2021.

Kurti, tha Zzgjedhjet ishin të lira, demokratike dhe të ndershme. Ai tha se ata do ta formojnë qeverinë e re, shkruan Reporteri.net.

“Jemi të parët, dhe ky është një konfirmim për qeverisjen tonë të mbarë dhe progresiste”

“Giithashtu kualicioni ynë fitues do ta formojë Qeverinë e re, Kurti 3”./Reporteri.net

Probleme në pikën grumbulluese në sallën “1 Tetori”, aktivizohet Policia

09 Shkurt 2025 | 23:18

Në Sallën “1 Tetori” është ndaluar pranimi i materialit sensitiv që ka ardhur nga Qendrat e Votimit për shkak se është bllokuar faqja e KQZ-së.

Në këtë pikë e cila është dhe grumbulluese e kutive të votimit, s’po bëhet ende pranimi i këtij materiali, shkaku i problemave teknike me platformën online të shpalljes së rezultateve preliminare.

Burime të Gazetës Online Reporteri.net bëjnë të ditur se zyrtarët e KQZ-së ende nuk po e bëjnë pranimin e materialit senitiv me arsyetimin se nuk është bërë ende aktiv serveri i tyre.

Lidhur me rastin është njoftuar edhe Policia e Kosovës të cilët kanë dalë në vendin e ngjarjes. /Reporteri.net/9:37