Arrestohet i dyshuari i dytë në rastin e dhunimit të një vajze të mitur në Suharekë

Policia e Kosovës ka njoftuar se është arrestuar edhe një person i dyshuar për dhunimin e një vajze të mitur, rast i cili ndodhi me 26 shtator në Suharekë, shkruan GazetaDemos.

Sipas policisë, që nga rasti e deri tash i dyhsuari i dytë ndodhej në arrati, e tash i njëjti u dërgua në mbajtje

“Me 02.10.2024 lidhur me rastin është arrestuar edhe një i dyshuar mashkull kosovar dhe me vendim të prokurorit është dërguar në mbajtje”, thuhet në njoftim.

Vlen të ceket se para disa ditësh, u arrestua edhe i dyshuari i parë, e i njëjti u dërgua në mbajtje.

“Viktima femër kosovare e mitur, dyshohet se është dhunuar nga dy të dyshuar meshkuj kosovar (njëri i mitur). Viktima është dërguar për ekzaminim mjekësor. Njëri nga të dyshuarit është arrit të arrestohet dhe me vendim të prokurorit të dërgohet në mbajtje, ndërsa i dyshuari tjetër gjendet në arrati”, thuhej në raportin e Policisë.