Barcelona fiton bindshëm ndaj rivalit lokal, vazhdon bilancin perfekt në La Liga

Barcelona është ekipi i vetëm që ka 100% fitore pas pesë ndeshjeve në La Liga.

“Blaugranët” e udhëhequr nga Hansi Flick fituan edhe sot ndaj Gironas, rivalit lokal, madje atë edhe bindshëm.

Barcelona triumfoi me shifrat prej 4-1, me Lamine Yamal e Dani Olmo në super formë.

Yamal shënoi dy golat e parë të ndeshjes, derisa Olmo shënoi për 3-0.

Pedri shënoi për 4-0 në minutën e 64-të të ndeshjes.

Christian Stuani shënoi për 4-1 në minuën e 80-të, por që nuk rrezikoi më shumë portën e Barcelonës.

Kështu, Barcelona ka 15 pikë nga pesë ndeshjet e para, derisa Girona pozicionohet e shtata në tabelë me shtatë pikë.

Ndeshjen e ardhshme Barcelona e zhvillon në Ligën e Kampionëve, si mysafire e Monacos.